وفاقی وزیر پانی وبجلی خواجہ آصف نے کہا ہے کہ ملک بھر میں سی این جی اسٹیشنز پر گیس چوری ہوتی ہے، اگر ان کو بند کر دیا جائے تو 2 ہزار میگا واٹ بجلی سسٹم میں آسکتی ہے۔ سیالکوٹ میں عشائیہ سے خطاب کرتے ہوئے خواجہ آصف نے کہا کہ سابق حکومت نے لوڈشیڈنگ کا عذاب ورثے میں چھوڑا ہے۔
اس پر قابو پانے کے لئے حکومت ہر ممکن اقدامات کرے گی۔ وفاقی وزیر پانی وبجلی نے کہا کہ ملک بھر میں سی این جی اسٹیشنوں پر بند ش بھی لگائی جاسکتی ہے۔ انہوں نے کہا کہ لوڈ شیڈنگ پر مکمل قابو پانے کے لئے وقت درکار ہے۔ خواجہ آصف کا کہنا تھا کہ بجلی کی پیداوار بڑھانے کیلئے نجی کمپنیوں سے معاونت لی جائے گی۔ انہوں نے کہا کہ بجلی کے حل کیلئے عوام کو صبر کرنا ہو گا۔
وفاقی حکومت کی غیر مشروط حمایت کا اعلان کرتے ہیں، الطاف حسین
میرانشاہ : فورسز کے قافلے کے قریب دھماکا، 3 اہلکار شہید
