سیالکوٹ (اصل میڈیا ڈیسک) مسلم لیگ کے رہنما اور سابق وزیر خارجہ خواجہ آصف نے حکومت کو تنقید کا نشانہ بناتے ہوئے کہا ہے کہ مافیا نے عوام کی زندگیاں جکڑ دی ہیں۔
مسلم لیگ ن کے رہنما خواجہ آصف کا ورکرز کنونشن سے خطاب کرتے ہوئے کہنا تھا کہ میں قید میں تھا جب ہمارا ساتھی ہم سے دور ہوا، ساڑھے 3 سال قائد، اس کی بیٹی اور بھتیجے نے جیل کاٹی، پیپلز پارٹی نے بھی قربانی دی،بےنظیر نے بھی قربانی دی۔
حکومت کو تنقید کا نشانہ بناتے ہوئے خواجہ آصف کا کہنا تھا کہ ملک کی کوئی خارجہ پالیسی نہیں ہے، حکومت کا کوئی ایک منصوبہ بتا دیں، لنگر خانے ایک ادارہ چلا رہا ہے، تمام مافیا نے عوام کی زندگیاں جکڑ دی ہیں۔
انہوں نے مزید کہا کہ پنشنرز کا گزارا نہیں ہے، لوگ دوائیں نہیں لے سکتے، سانس لینا دشوار ہو گیا ہے، لیڈر بھی فراڈیا ہے اور اس کے حواری بھی فراڈیے ہیں۔
خواجہ آصف کا کہنا تھا کہ عوام ہنسانے والے اور رلانے والے کو یاد رکھتے ہیں، عمران خان ایک شخص نہیں، کنٹینر والا کوئی اور تھا، وزیراعظم کوئی اور ہے۔
رہنما مسلم لیگ ن نے کہا کہ ملک میں عوام کے نمائندے کی حکومت ہونی چاہیے، میں نہیں کہتا کہ ہماری حکومت آئے، کسی کی بھی حکومت آئے لیکن وہ عوام کی حکومت ہو۔
نوشکی واقعے میں دشمن جدید ترین اسلحے سے لیس تھے، کمانڈنٹ ایف سی
پاکستان: کورونا سے 38 اموات، 3300 سے زائد کیسز رپورٹ
