صدر آصف علی زرداری اور نواز شریف کے درمیان ون آن ون ملاقات میں ملک کی مجموعی صورتحال پر تبادلہ خیال کیا گیا۔ صدر مملکت کا کہنا تھا کہ وہ ابھی سے نواز شریف کو وزیراعظم تسلیم کرتے ہیں، مسلم لیگ ن کے سربراہ کہتے ہیں ماضی کی تلخیاں بھلا کر آگے بڑھنا چاہتے ہیں۔
ایوان صدر میں چینی وزیراعظم کے اعزاز میں عشائیہ دونوں بڑوں کی ملاقات کا ذریعہ بھی بن گیا۔ صدر آصف علی زرداری نے ملاقات کے دوارن میاں نواز شریف کو انتخابات میں کامیابی پر مبارکباد دی۔ انہوں نے امید ظاہر کی کہ نئی حکومت آئین اور قانون کی پاسداری کرتے ہوئے جمہوری استحکام یقینی بنائے گی۔
ملاقات کے بعد صدر مملکت کا کہنا تھا کہ وہ مسلم لیگ ن کی مفاہمتی پالیسی کی حمایت کرتے ہیں۔ بطور وزیراعظم میاں نواز شریف کو ایوان صدر سے بھر پور تعاون حاصل رہیگا۔
ان کا کہنا تھا کہ پیپلز پارٹی پارلیمنٹرینز کی جانب سے حمایت کا فیصلہ امین فہیم کریں گے۔اس موقع پر میاں نواز شریف کا کہنا تھا کہ قومی مفادات کو ترجیح دینا ہوگی، مسائل کے حل کے لئے اداروں اور رہنماں کے درمیان ہم آہنگی ضروری ہے۔
ملک کے بیشتر میدانی علاقوں میں گرمی کی لہر برقرار
کراچی: کیمیکل فیکٹری میں لگنے والی آگ پر 5 گھنٹے بعد قابو پا لیا گیا
