fbpx

حکومت کے مہنگائی کنٹرول کرنے کے دعوے دھرے کے دھرے رہ گئے

 Inflation

Inflation

اسلام آباد (اصل میڈیا ڈیسک) رمضان المبارک سے قبل ملک میں مہنگائی کی شرح میں اضافہ کا رجحان جاری ہے جس کے بعد ہفتہ وار مہنگائی کی شرح 18.43 فیصد تک پہنچ گئی۔

وفاقی ادارہ شماریات کی جاری کردہ ہفتہ وار رپورٹ میں بتایا گیا ہے کہ ملک میں آٹھ اپریل کو ختم ہونے والے ہفتے کے دوران مہنگائی 18.43 فیصد پر پہنچ گئی ہے جب کہ گذشتہ ہفتے کے دوران ملک میں آلو، ٹماٹر چین اور سبزیوں سمیت 18 اشیائے ضروریہ کی قیمتوں میں اضافہ ہوا جب کہ چینی، انڈے، پیاز سمیت 13 کی قیمتوں میں کمی دیکھنے میں آئی اور 20 اشیائے ضروریہ کی قیمتیں مستحکم رہی ہیں۔

اعدادوشمار کے مطابق ایک ہفتے میں مرغی 26 روپے 68 پیسے فی کلو، آلو 3 روپے 88 پیسے، ٹماٹر 3 روپے 33 پیسے، بڑا گوشت 2 روپے 51 پیسے اور چھوٹا گوشت 5 روپے 16 پیسے فی کلو مہنگا ہوا جب کہ کیلا فی درجن 4 روپے 98 پیسے، دال مونگ، گھی، تازہ دودھ اور دہی کی قیمت میں بھی اضافہ ہوا، ایک ہفتے میں 13 اشیا سستی جبکہ 20 کی قیمت میں استحکام رہا۔

حالیہ ہفتے چینی اوسط 3 روپے 10 پیسے فی کلو سستی ہوئی اس کے علاوہ ایل پی جی کا گھریلو سلنڈر 32 روپے 29 پیسے، آٹے کا 20 کلو کا تھیلا 6 روپے 70 پیسے سستا ہوا جب کہ لہسن، انڈے، دال ماش، دال چنا اور پیاز کی قیمتوں میں بھی کمی واقع ہوئی ہے۔