گجرات کی خبریں 19.05.2013
Posted on May 20, 2013 By Tahir Webmaster گجرات
رانا مشرف علی ناز نے اعجاز الحق کو کامیابی پر مبارک باد دی
گجرات (جی پی آئی) ممتاز سماجی شخصیت رانا مشرف علی ناز نے ایک بیان میں ممتاز سیاست دان اعجا ز الحق کو بھاری اکثریت سے کامیاب ہونے پر مبارک باد پیش کی ہے اور کہا ہے کہ وہ ایک عظیم باپ کے سپوت ہیں اپنے باپ کی طرح وہ بھرپور انداز میں عوام کی خدمت کر تے رہینگے ، جس طرح پہلے انہوں نے اپنے علاقہ کی عوام کی خدمت کو منشور بنایا اور عوام کی خدمت کی اسی لیے عوام نے انہیں بھاری اکثریت سے کامیاب بنایا ہے ، اور وہ اپنی تمام تر صلاحتیں عوام کی خدمت کیلئے صرف کریں گے اور ملکی سیاست میں اہم کردار ادا کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رانا مشر ف علی نے مصروف ترین دن گزارا
گجرات (جی پی آئی) رانا مشر ف علی نے مصروف ترین دن گزارا ، وہ گزشتہ روز دربار حضرت کبیر الدین شاہدولہ دریائی گے اور حاضری دی ، بعد ازاں انہوں نے سائیں ککر کے مزار پر حاضری دی اور فاتحہ خوانی کی اور ملک کی ترقی و سلامتی کیلئے دعائیں کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاری اڈا پولیس کا شاہ رخ ملک پر تشدد اور بدتمیزی ڈی پی او گجرات فوری نوٹس لیں
گجرات (جی پی آئی) لاری اڈا پولیس کا گجرات پریس کلب کے سابق صدر راشد ملک کے صاحبزادے شاہ رخ ملک پر تشدد اور بدتمیزی ڈی پی او گجرات فوری نوٹس لیں ، گزشتہ روز راشد ملک کے صاحبزادے شاہ رخ ملک رات 9بجے کے قریب اپنے گھر جا رہے تھے کہ رامتلائی روڈ پر لاری اڈا پولیس کے اہلکاروں نے روک کر تشدد کیا اور اس کے ساتھ بدتمیزی کی اتنہا کر دی ، پولیس تشدد اور بدتمیزی سے صحافیوں میں تشویش کی لہر دوڑ گئی ہے ، اس سلسلہ میں ڈی پی او گجرات ڈار علی خٹک سے ملاقات کر کے لاری اڈا پولیس کی زیادتیوں کے متعلق آگاہ کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جلالپور جٹاں میں خونی ڈکیتی
گجرات (جی پی آئی) کریانہ سٹور پر خونی ڈکیتی ، اسلحہ کے زور پر دن دیہاڑے لاکھوں روپے لوٹ لئے گئے ، مزاحمت پر ملازم دوکان کو فائرنگ کر کے قتل کر دیا ، ملزم موٹر سائیکل چھین کر فرار ہو گئے واردات کی اطلاع پر دوکانداروں نے دوکانیں بند کر دیں ، مرکزی انجمن تاجران کا صبح شٹر ڈائون ہڑتال کا فیصلہ ، نماز جنازہ کے بعد تھانے کا گھرائو اور دھرنا ہو گا ، جلالپور جٹا ںکریانہ مرچنٹ ایسوسی ایشن جلالپور جٹاں کے صدر چوہدری نثار احمد کی دوکان پر دن دیہاڑے نامعلوم مسلح ڈاکوگھس آیا ، اسلحہ کی نوک پر دوکان میں موجود لوگوں کو یرغمال بنا کر دن بھر کی وٹک لاکھوں روپے بیگ میں ڈال کر فرار ہونے لگا تو دوکان میں عرصہ دراز سے ملازم 35سالہ عبدالرشید ولد ولائت خاں نے مزاحمت کی تو اسے پیٹ میں گولیاں مار کر شدید زخمی کر دیا ، اور گلی سے عثمانی نامی نوجوان سے موٹر سائیکل چھین کر فرار ہو گیا ، زخمی کو فوری ہسپتال پہنچایا گیا ، لیکن وہ زخموں کی تاب نہ لاتے ہوئے دم توڑ گیا واردات کی اطلاع ملتے ہی مرکزی انجمن تاجران کے صدر ملک امتیاز گوگا و دیگر تاجر راہنما موقع پر پہنچ گئے اور کریانہ مرچنٹ نے احتجاجاً دوکانیں بند کر دیں ، بعد ازاں مرکزی انجمن تاجران کا اجلاس ہوا ، جس میں تمام تاجر تنظیموں کے عہدیداروں نے شرکت کی اور واقعہ کی پر زور مذمت کرتے ہوئے ملزم کی فوری گرفتاری کا مطالبہ کیا اور احتجاجاً آج بروز سوموار مین بازار میں مکمل شٹر ڈائون ہڑتال کا فیصلہ کیا اجلاس میں فیصلہ کیا گیا کہ مقتول کی نماز جنازہ کے بعد ٹانڈہ چوک میں دھرنا دیا جائیگا ، اور تھانے کا گھیرائو کر کے احتجاج کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عمران خان نے پاکستان کے اندر الیکشن میں حصہ لینے کے لئے سول سوسائٹی اور نوجوانوں کو عملی طور پر ابھارا ہے :نوازش علی شیخ
لالہ موسیٰ (جی پی آئی)پاکستان تحریک انصاف ضلع گجرات کے سینئر راہنما نوازش علی شیخ ایڈووکیٹ نے اپنے ایک بیان میں کہا کہ پاکستان تحریک انصاف کے چیئر مین عمران خان نے پاکستان کے اندر الیکشن میں حصہ لینے کے لئے سول سوسائٹی اور نوجوانوں کو عملی طور پر ابھارا ہے جس کا نتیجہ ہے کہ پاکستان میں پہلی مرتبہ اتنا بڑا ٹرن آؤٹ آیاہے بالخصوص کراچی میں ایم کیو ایم کے خلاف کراچی کے عوام کو ایک شعور اور آواز دی ہے جس کی بدولت آج کراچی کے شہری انتخابی عمل میں کھلے دل سے حصہ لے رہے ہیں اور ایم کیو ایم کی دہشت گردی اور انتخابات کے موقع پر اپنی من مانی کے خلاف سراپا احتجاج ہیں اور اپنا حق راہ دہی استعمال کر رہے ہیں اور انشاء اللہ آئندہ بھی اس سے زیادہ شعور پیدا کرنے کے لئے عوام میں عمران خان اپنا بھر پور کردار ادا کریں گے اور آنے والے وقت میں انتخابی عمل کو صاف اور شفاف بناتے ہوئے الیکشن کمیشن کو بھی اپنا کردار ادا کرنا پڑے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں کے مسائل چوہدری عابدرضا کی قیادت میں ترجیحی بنیادوں پر حل کریں گے:حاجی محمد اسلم خان
کھاریاں(جی پی آئی)کھاریاں کے مسائل چوہدری عابدرضا کی قیادت میں ترجیحی بنیادوں پر حل کریں گے ان خیالات کااظہار حاجی محمد اسلم خان نے گفتگو کرتے ہوئے کیا انہوں نے کہا کہ عوام نے چوہدری عابدرضا کوایم این اے منتخب کرکے اپنا کام پورا کردیا ہے اب چوہدری عابدرضا کی قیادت میں عوام کو ریلیف دینے میں کوئی کسراٹھا نہ رکھیں گے ہم چوہدری عابدرضا کی قیادت میں متحد ہیں اور انشاء اللہ کھاریاں کے بنیادی مسائل سیوریج سسٹم’ پینے کیلئے صاف پانی گلیاں ونالیاں کی ترجیحی بنیادوں پر تعمیر اور اس کے علاوہ کھاریاں شہر کیلئے میگا پراجیکٹس مکمل کروائیں گے ہم عوام کا شکریہ اداکرتے ہیں جنہوں نے چوہدری عابدرضا کو منتخب کیا ہے اب کوٹلہ برادران کی قیادت میں حلقہ این اے107 پی پی115 میں ترقیاتی کاموں کے نئے دور کاآغاز ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری عابدرضا کوٹلہ نے گلیانہ روڈ کھاریاں پر عوامی رابطہ آفس قائم کردیا
کھاریاں(جی پی آئی)چوہدری عابدرضا کوٹلہ نے گلیانہ روڈ کھاریاں پر عوامی رابطہ آفس قائم کردیا جہاں پر چوہدری عابدرضا کوٹلہ خود عوامی مسائل سن کر ان کو ترجیحی بنیادوں پر حل کروانے کیلئے اپنے وسائل استعمال کریں گے چوہدری عابدرضا کے گلیانہ روڈ کھاریاں آفس بنانے سے کھاریاں کی عوام نے نیک خواہشات کااظہار کرتے ہوئے کہا کہ انشاء اللہ چوہدری عابدرضا کوٹلہ چوہدری عبدالمالک کے عوامی خدمت کو مشن کو پایہ تکمیل تک پہنچائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن کی مرکزی قیادت نے چوہدری عابدرضا کوٹلہ کو لاہور بلا لیا
کھاریاں(جی پی آئی) مسلم لیگ ن کی مرکزی قیادت نے چوہدری عابدرضا کوٹلہ کو لاہور بلا لیا جہاں پر ضلع گجرات کی صورتحال پرتبادلہ خیال کریں گے امید ہے کہ ان کی اس ملاقات کے ضلع گجرات پر اہم اثرات مرتب ہونگے اور مسلم لیگ ن ضلع گجرات میں ناقابل تسخیر جماعت بن کر ابھرے گی اور تمام کارکنان ورکرز کو ایک پلیٹ فارم پر اکٹھا کرنے کیلئے مختلف امورپر تفصیلی گفتگو بھی کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حلقہ کے عوام کے لیے چوبیس گھنٹے دروازے کھلے ہیں : چوہدری عابدرضا
کھاریاں(جی پی آئی)چوہدری عابدرضا کوٹلہ کا سمرالہ میں ان کے اعزاز میں شاندار عشائیہ’تقریب کااہتمام ملک محمداقبال سمرالہ نے کہا معززین علاقہ کی کثیر تعداد نے شرکت کی اس موقع پر چوہدری عابدرضا نے کہا کہ اپنے حلقہ کے عوام کے لیے چوبیس گھنٹے دروازے کھلے ہیں مخالفین کی تمام تر سازشیں ناکام ہوگئیں اپنے حلقہ کے عوام کیلئے سب سے پہلا تحفہ دانش سکول کی شکل میں دیں گے انہوں نے کہا کہ میں ایم این اے بن کر بھی وہی عابدرضا ہوں میں آپ کا بھائی اور بیٹا ہوں حلقہ کا ہر فرد ایم این اے ہے انشاء اللہ آپ کے مسائل میری اولین ترجیحات میں شامل ہیں ہم الیکشن میں کئے وعدوں سے مکرتے ہیں انشاء اللہ الیکشن کے دوران کئے گئے تمام وعدوں کو عملی جامہ پہنانے کیلئے سر گر م رہوں گا آپ لوگوں کی دعائوں اور کوششوں سے آج اللہ نے مجھے عزت بخشی ہے آپ کی محبتوں کو فراموش نہیں کرونگا اور بیروزگاری کے خاتمے کیلئے جلد ہی ایک جامع پلان ترتیب دے کر آپ کے بچوں کے روشن مستقبل کیلئے کام شروع کرونگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساروکی پولیس نے عمران فاروق سوہی پرتشددکرنے اوردھمکیاں دینے کے الزام میں مقدمہ درج
کنجاہ(جی پی آئی)ساروکی پٹرولنگ پولیس کے انچارج عمران فاروق سوہی پرتشددکرنے اورانہیں قتل کی دھمکیاں دینے کے الزام میں ایک شخص کے خلاف مقدمہ درج۔تفصیلات کے مطابق ساروکی پٹرولنگ پولیس کے انچارج عمران فاروق سوہی اپنی پرائیوٹ گاڑی پرجارہے تھے کہ ضیاء اللہ ولدمحمدفیروزساکن چک چوہدونے اسلحہ کے زورپرروک کرڈرائیونگ سیٹ سے گھسیٹ کرانہیںنیچھے اتارکر ان پرتشددکیااورلاتوں مکووں کی بارش کردی۔کنجاہ پولیس نے عمران فاروق سوہی کی رپورٹ پرایک نامزدضیاء اللہ اورایک نامعلوم شخص کے خلاف مقدمہ درج کرکے کارروائی شروع کردی۔
