کوٹلہ کی خبریں 22.04.2013
Posted on April 23, 2013 By Tahir Webmaster سٹی نیوز
امیدوار پاکستان مسلم لیگ ن حلقہ NA107سالار قافلہ چوہدری عابد رضا نے کہا ہے کہ گذشتہ پانچ سالہ دور حکومت میں وفاقی حکمرانوں کی لوٹ مار کا کے نتائج پورا پاکستان بھگت رہا ہے
کوٹلہ ارب علی خاں : امیدوار پاکستان مسلم لیگ ن حلقہ NA107سالار قافلہ چوہدری عابد رضا نے کہا ہے کہ گذشتہ پانچ سالہ دور حکومت میں وفاقی حکمرانوں کی لوٹ مار کا کے نتائج پورا پاکستان بھگت رہا ہے بجلی کی غیر اعلانیہ لوڈ شیڈنگ سے پاکستان میں 70فیصد فیکٹریاں بند ہو چکی ہیں مزدور دو وقت کی روٹی کو ترس رہے ہیں انھوں نے کہا کہ مسلم لیگ ن نے صوبہ میں میٹرو بس ،دانش سکول اور آشیانہ ہائوسنگ سکیم جیسے درجنوں غریب پرور منصوبے مکمل کر کے پاکستانی عوام کے دلوں میں جگہ بنا لی ہے مسلم لیگی قیادت دیانت داری ،سچائی اور گڈ گورننس پر پختہ یقین رکھتی ہے یہی وجہ ہے کی سابق وزیر اعلی پنجاب میں شہباز شریف کے منصوبوں کی شفافیت کی گواہی ملکی اور غیر ملکی ادارے دے رہے ہیں انھوں نے کہا کہ گیارہ مئی کو عوامی طاقت سے اقتدار میں آ کر پاکستان مسلم لیگ ن ملک کو تمام بحرانوں سے نکالے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم نے ہمیشہ خدمت کی سیاست کی ہے گیارہ مئی کو NA107اورPP115سے تاریخی کامیابی حاصل کریں گے
کوٹلہ ارب علی خاں : ہم نے ہمیشہ خدمت کی سیاست کی ہے گیارہ مئی کو NA107اورPP115سے تاریخی کامیابی حاصل کریں گے ان خیالات کا اظہار چوہدری تنویر احمد یونین کونسل کوٹلہ کے مختلف گائوں میں کارنر میٹنگز سے خطاب کرتے ہوئے کیا انھوں نے کہا کہ موسمی سیاستدان بھی پانچ سال بعد عوام کے پاس آ رہے ہیں اور ضمنی الیکشن کی طرح کی جھوٹے وعدے کر کے عوام کے بے وقوف بنانے کی کوشش کر رہیں لیکن ہمارے حلقہ کی عوام تو نہ کبھی پہلے ایسے موسمی سیاستدانوں کی بہکاوے میں آئی تھی اور نہ اب آئے گی انھوں نے کہا کہ پوری قوم کی نظریں مسلم لیگ ن اورمیاں برادران پر ہیں اور انشاء اللہ پاکستان مسلم لیگ ن عوامی طاقت سے اقتدار میں آ کر ایک نئے پاکستان کی بنیاد رکھے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری تنویر احمد نے یونین کونسل کوٹلہ ،چڑیاولہ اور دولاورر پور کے مختلف دیہات کا دورہ کیا
کوٹلہ ارب علی خاں: چوہدری تنویر احمد نے یونین کونسل کوٹلہ ،چڑیاولہ اور دولاورر پور کے مختلف دیہات کا دورہ کیا گائوں کی سرکردہ شخصیات نے برادریوں سمیت مسلم لیگ ن کی مکمل حمایت کا اعلان کر دیا یونین کونسل کوٹلہ کے گائوں خیر گھنسار میں راجہ ٹکا خان اور راجہ ذوالقرنین سمیت گائوں کی سرکردہ برادریوں نے حمایت کا اعلان کیا موضع جے پور میں راجہ عبدالحمید نمبردار سمیت سرکردہ برادریوں نے حمایت کا اعلان کیا موضع ڈھل دائود کی ممتاز مذہبی شخصیت سید گل حیدر شاہ صاحب نے مسلم لیگ ن کی حمایت کا اعلان کیا موضع بھٹیاں چباں کی ممتاز سیاسی اورر سماجی شخصیت راجہ طارق نے برادری سمیت مسلم لیگ ن کی حمایت کا اعلان کیا موضع موضع دلاور پورکے گائوں چاچووال ،سیدا اور فرخپو ر میں ہونے والی کارنر میٹنگز میں گائوں کی سرکردہ شخصیات نے چوہدری عابد رضا کی قیادت میں مسلم لیگ ن کی حمایت کا اعلان کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خان : چوہدری شبیر احمد کا یونین کونسل باہروال کے مختلف دیہات کا دورہ سینکڑوں افراد کا حمایت کا اعلان
پاکستان مسلم لیگ ن کے نامزد امیدوار حلقہ PP115چوہدری شبیر احمد نے یونین کونسل باہر وال کے مختلف دیہات کا دورہ کیا گائوںکی سر کردہ شخصیات سے ہونے
والی ملاقاتوںمیں باہر وال ،باغانوالہ ،چیچیاں اور باہر وال کی سرکردہ شخصیات نے مسلم لیگ ن کی حمایت کا اعلان کر دیا، چوہدری ظفر باہر وال،چوہدری شوکت علی باہر وال اور حاجی عطا میراں سابق وائس چیئرمین یونین کونسل باہر وال نے ساتھیوں سمیت حمایت کا اعلان کر دیا موضع چیچیاں میں چوہدری عنصر جاوید سابق کونسلر ،چوہدری محمد بشیر سابقہ کونسلراور حاجی لیاقت علی چیچیاں نے ساتھیوں سمیت حمایت کا اعلان کیا موضع چک مال میں چوہدری رفاقت اور چوہدری مسعود چکمال سمیت گائوں کی سرکردہ شخصیات نے حمایت کا اعلان کیا موضع بھیگہ میں ڈاکٹر اسلم اور چوہدری خادم بھیگہ نے مسلم لیگ ن کی حمایت کا اعلان کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کوٹلہ ارب علی خاں :گلیانہ روڈ کھاریاں کی تاجر برادری کی حمایت۔ شیرکی کھاریاں شہر میں پوزیشن مضبوط
گلیانہ روڈ کھاریاں کی تاجر برادری کے سرکردہ رہنمائوں سر پرست اعلیٰ ٹریڈ یونین گلیانہ روڈ کھاریاں ملک شبیر ملک برادرز الیکٹرونکس اور صدر ٹریڈ یونین گلیانہ روڈ کھاریاں چوہدری شوکت علی نے ساتھیوں سمیت مسلم لیگ ن حمایت کا اعلان کیا ۔حمایت کا اعلان انھوں نے امیدوار پاکستان مسلم لیگ ن حلقہ پی پی 115چوہدری شبیر احمد نے خصوصی ملاقات میں کیا۔
