لاڑکانہ میں پولیس چھاپے کے دوران ملزمان کی فائرنگ، دو اہلکار شہید

Police

کراچی (اصل میڈیا ڈیسک) لاڑکانہ کے گوٹھ وڈا مہر میں پولیس چھاپے کے دوران ملزمان کی فائرنگ سے دو اہلکار شہید ہو گئے۔

ایس ایس پی لاڑکانہ کے مطابق پولیس پارٹی نے جرائم پیشہ افراد کی گرفتاری کے لیے گوٹھ وڈا مہر میں چھاپہ مارا تھا۔

پولیس کے مطابق چھاپے کے دوران ملزمان نے فائرنگ کر دی جس کے نتیجے میں دو اہلکار شہید ہو گئے جبکہ پولیس کی جوابی فائرنگ سے ایک ملزم ہلاک ہو گیا۔

پولیس حکام کے مطابق دونوں پولیس اہلکاروں کی لاشوں کو پوسٹ مارٹم کے لیے مردہ خانے منتقل کر دیا گیا ہے۔

دوسری جانب پولیس نے واقعے کا مقدمہ درج کر کے ملزمان کی گرفتاری کے لیے کارروائی کا آغاز بھی کر دیا ہے۔

Nasir Mehmood - Chief Editor at GeoURDU.com