خیبر پختونخوا (اصل میڈیا ڈیسک) مانسہرہ کی تحصیل اوگی کے گورنمنٹ ڈگری کالج کے 6 لیکچرارز میں کورونا وائرس کی تصدیق کے بعد کالج کو 5 روز کے لیے سیل کردیا گیا۔
اسسٹنٹ کمشنر اوگی زینب احمد چیمہ کے آفس سے جاری اعلامیے کے مطابق کالج کے 6 لیکچرارز میں کورونا وائرس کی تصدیق ہوگئی ہے جس کی وجہ سے کالج کو 5 روز کے لیے بند کردیا گیا ہے۔
اعلامیے کے مطابق کالج بند کر کے ٹی ایم اے اسٹاف کو ڈس انفیکشن اسپرے کی ہدایات جاری کردی گئی ہے۔
دوسری جانب متاثرہ کالج سے بی اے اور بی ایس سی کے امتحانی مرکز کو بھی ہائی اسکول میں منتقل کردیا گیا ہے۔
ڈی جی خان سے حراست میں لیے گئے افراد کا موٹروے کیس سے تعلق ثابت نہیں ہوا: حکام
چارسدہ: ڈھائی سالہ بچی سے زیادتی و قتل کیس میں زیر حراست ملزم نے اعترافِ جرم کر لیا
