مصر کے عبوری صدر عدلی منصور نے معزول صدر محمد مرسی کے حامیوں کو مشورہ دیتے ہوئے یقین دلایا کہ انکے زیر حراست حامیوں کو سزا نہیں دی جائے گی۔ نجی ٹی وی کو ٹیلی فون پر انٹرویو میں عبوری صدر نے مرسی کے حامیوں سے کہا کہ انہیں ان لوگوں کا فیصلہ قبول کرنا چاہئے۔
جنہوں نے معزول صدر کی حکمرانی کی بجائے ایک مختلف راستہ منتخب کیا۔ انہوں نے کہا کہ اخوان المسلمون کے حامیوں کی رائے کا احترام کرتے ہیں لیکن جو فیصلہ ہو چکا اسے بدلنا ممکن نہیں۔ عدلی منصورنے انہیں مشورہ دیا کہ ماضی کو بھلا کر مستقبل کی طرف دیکھیں۔