اسلام آباد (جیوڈیسک) ممبئی حملہ کیس میں ایف آئی اے کے پراسیکیوٹر چودھری اظہر آج بھی پیش نہ ہوئے، عدالت نے چار گواہوں پر جرح کے لیے سمن جاری کر دیئے۔ انسداد دہشت گردی کی عدالت کے جج کوثر عباس زیدی نے ممبئی حملہ کیس کی سماعت کی۔
عدالت نے گواہوں حمزہ بن طارق، عمردراز، محمد علی اور سیف اللہ خان پر جرح کے لیے سمن جاری کئے ہیں، وکیل صفائی ریاض اکرم چیمہ نے ایف آئی اے پراسیکیوٹر کی عدم حاضری پر اعتراض اٹھاتے ہوئے کہا ہے کہ حکومت اس کیس کو سنجیدگی سے نہیں لے رہی، کیس کی مزید سماعت 6 جولائی کو ہو گی۔
اسکندریہ : مظاہرین نے اخوان المسلمون کے ہیڈ کوارٹر کو آگ لگادی
دس سال قبل طالبان سے مذاکرات کر لیتے تو افغانستان میں امن ہوتا، نیٹو کمانڈر
