مری سیاحت کیلئے مکمل کھل گیا، نوٹیفکیشن جاری

Murree Snowfall

اسلام آباد (اصل میڈیا ڈیسک) راولپنڈی کے ڈپٹی کمشنر نے مری کو سیاحت کے لیے مکمل طور پر کھولنے کا نوٹی فکیشن جاری کر دیا۔

راولپنڈی کے ڈپٹی کمشنر قیصر شیرازی کی جانب سے جاری کردہ نوٹیفکیشن کے تحت مری میں سیاحت کے لیے گاڑیوں کی آمد پر مکمل اجازت ہوگی۔

نوٹیفکیشن کے مطابق مری میں سیاحت کے حوالے سے پابندی ختم کردی گئی ہے۔

علاوہ ازیں سترہ میل ٹول پلازہ کو 24 گھنٹے گاڑیوں کی مری روانگی کے لیے کھول دیا گیا ہے۔

خیال رہے کہ رواں ماہ کے آغاز میں سانحہ مری پیش آیا تھا جہاں شدید برف باری کے باعث ٹریفک جام میں پھنسے 22 افراد کی موت واقع ہوگئی تھی۔

قیمتی جانوں کے ضیاع پر تحقیقات کا آغاز ہوا اور ابتدائی تفتیشی رپورٹ میں انتظامیہ کو ذمے دار ٹھہرایا گیا۔

Nasir Mehmood - Chief Editor at GeoURDU.com