سابق وزیراعظم سید یوسف رضاگیلانی نے کہا ہے کہ پیپلز پارٹی کا حصہ رہنے والے تحریک انصاف میں شامل ہوکر پارسا کیسے بن سکتے ہیں۔ملتان کے نواحی علاقے کوٹلہ ابو الفتح میں اجتماع سے خطاب کرتے ہوے یوسف رضا گیلانی کا کہنا تھا کہ جو سیاست دان تین سالوں میں توانائی بحران پر قابو پانے کی باتیں کر رہے ہیں۔
ان منصوبوں کا سنگ بنیاد ہمارے دور میں رکھاجا چکا ہے۔ شاہ محمود قریشی پرتنقیدکرتے ہوئے یوسف رضا گیلانی نے کہا کہ کوٹلہ ابوالفتح میں گیس اور ترقیاتی منصوبوں کے لئے ایک ارب پچیس کروڑ روپے کے فنڈز دیئے۔
مگر شاہ محمود نے ذاتی استعمال پر خرچ کر دیئے۔ 1996 میں ہم نے لوگوں کو روز گار دیا مگر نواز حکومت نے نہ صرف ان سے روز گار چھینا بلکہ مجھے بھی سزا کے طور پر جیل بھیجوا دیا۔
کارکن حوصلے بلند رکھیں، انتخابات میں حصہ لیں گے، الطاف حسین
کراچی : ڈیفنس میں پولیس اور رینجرز کا آپریشن، 11 مشتبہ افراد زیرحراست
