وزیرستان (جیوڈیسک) شمالی وزیرستان میں دہشت گردوں کے حملے میں شہید ہونے والے ایف سی اہلکار نور خان کو ضلع خیبر میں فوجی اعزاز کے ساتھ سپردخاک کر دیا گیا۔
شہید کی نماز جنازہ گزشتہ رات ادا کی گئی جس میں بڑی تعداد میں سیاسی اور قبائلی عمائدین نے شرکت کی۔
یاد رہے کہ گزشتہ روز شمالی وزیرستان کی وادی شوال میں چیک پوسٹ پر دہشت گردوں نے حملہ کیا جسے الرٹ فوجی جوانوں نے ناکام بنادیا تاہم فائرنگ کے تبادلے میں ایک جوان نے جام شہادت نوش کیا۔
رکن قومی اسمبلی محسن داوڑ اور علی وزیر کی قیادت میں پشتون تحفظ موومنٹ کے کارکنان نے خاڑ کمر چیک پوسٹ پر بھی حملہ کیا تھا جس میں پانچ جوان زخمی ہوئے جب کہ فائرنگ کے تبادلے میں حملہ کرنے والے تین افراد مارے گئے تھے۔
وزیراعظم کو مودی کی حلف برداری تقریب میں مدعو نہ کرنے پر اپوزیشن کی شدید تنقید
ٹرمپ نے ہنگامی طور پر سعودی عرب اور یو اے ای کو اسلحہ کی فروخت کی منظوری دے دی
