اسلام آباد (اصل میڈیا ڈیسک) ایس ایس پی سانگھڑ اور ان کی فیملی میں مہلک وبا کورونا وائرس کی تصدیق ہو گئی ہے۔
ڈپٹی کمشنر سانگھڑ عمران الحسن خواجہ کے مطابق ایس ایس پی عثمان غنی صدیقی، ان کی اہلیہ اور 3 بچوں کا کورونا وائرس کا ٹیسٹ مثبت آگیا ہے۔
انہوں نے بتایا کہ کورونا وائرس کا ٹیسٹ مثبت آنے کے بعد ایس ایس پی عثمان غنی اور ان کی فیملی نے خود کو گھر میں آئسولیٹ کر لیا ہے۔
واضح رہے کہ صوبے کی پولیس کے 758 پولیس افسران اور اہلکار کورونا وائرس کا شکار ہوچکے ہیں جس میں سے 8 اہلکار شہید جب کہ صحت یاب ہونے والوں کی تعداد 194 ہے۔
کورونا میں مبتلا وزیر ریلوے شیخ رشید کی طبیعت ناساز، اسپتال میں داخل
ملک میں کورونا وائرس میں ریکارڈ اضافہ، 6825 نئے کیس رپورٹ
