پشاور میں ڈی سی او آفس کے قریب دھماکا ہوا ہے جس سے دفتر کی بیرونی دیوار گر گئی۔ بم ڈسپوزل اسکواڈ کا کہنا ہے کہ دھماکے میں پانچ سو سے چھ سو گرام بارودی مواد استعمال کیا گیا۔ پولیس کے مطابق ڈی سی او کے دفتر کی مرکزی دیوار کے ساتھ بارودی مواد نصب کیا گیا تھا۔ دھماکے کی آواز دور دور تک سنی گئی۔ دھماکے سے قریبی عمارتوں کے شیشے بھی ٹوٹ گئے۔ دھماکے کی جگہ پر دو سے ڈھائی فٹ گہرا گڑھا پڑ گیا۔ ڈی سی او آفس کے قریب پولیس ہیڈ کوارٹراور پارک واقع ہیں۔ دھماکے کے بعد آفس کے گرد خاردار تاریں لگا دی گئی ہیں۔ محرم الحرام کے باعث پشاور میں سکیورٹی کے انتظامات سخت کیے گئے تھے۔
نیٹو حملے کو معاف نہیں کیا جا سکتا۔ پرویز مشرف
سپریم کورٹ میں میمو اسکینڈل کیس کی سماعت جاری
