ممبئی (اصل میڈیا ڈیسک) بالی وڈ کی سپر ہٹ فلموں کی ہیروئن اور سیاستدان ارمیلا ماتونڈکر عالمی وبا کورونا وائرس کا شکار ہو گئی ہیں۔
سماجی رابطے کی ویب سائٹ ٹوئٹر پر ارمیلا ماتونڈکر نے اپنے چاہنے والوں کو بتایا کہ ان کا کووڈ-19 ٹیسٹ مثبت آگیا ہے اور انہوں نے خود کو گھر میں قرنطینہ کرلیا ہے۔
ارمیلا ماتونڈکر نے بتایا کہ میں خیریت سے ہوں اور مجھ سے ان دونوں ملنے والے افراد فوری اپنا کووڈ-19 ٹیسٹ کروائیں۔ انہوں نے شہریوں سے درخواست کرتے ہوئے کہا کہ وہ دیوالی کے تہوار میں اپنا خیال رکھیں۔
خیال رہے کہ ارمیلا ماتونڈکر فلم ’’جدائی‘‘، ’’رنگیلا‘‘، ’’جانم سمجھا کرو‘‘، ’’مست‘‘، ’’دل لگی‘‘ سمیت متعدد سپر ہٹ فلموں میں کام کرچکی ہیں۔ ارمیلا ماتونڈکر نے بالی وڈ کے علاوہ ملیالم اور مراٹھی فلموں میں بھی کام کیا ہے۔
انہوں نے فلم فیئر اور نندی سمیت متعدد ایوارڈ اپنے نام کیے۔ ارمیلا نے خود کو پردے پر مخصوص انداز میں پیش کر کے تھوڑے ہی وقت میں مقبولیت حاصل کی۔
راج کمار راؤ کس بھارتی اداکارہ سے شادی کرنے جا رہے ہیں؟
رنبیر کپور اور عالیہ بھٹ کی شادی کی نئی تاریخ سامنے آگئی
