بھمبر کی خبریں 12.06.2013
Posted on June 12, 2013 By Tahir Webmaster سٹی نیوز
بھمبر پولیس نے پولیس گردی کا بازار گرم کر رکھا ہے پولیس نے بھمبر میں ہر غیر قانونی کام کا ٹھیکہ لیا ہوا ہے
بھمبر : بھمبر پولیس نے پولیس گردی کا بازار گرم کر رکھا ہے پولیس نے بھمبر میں ہر غیر قانونی کام کا ٹھیکہ لیا ہوا ہے 2 ماہ قبل اسلحہ کے زور پر ہونے والی ڈکیتیوں کی FIR نہ درج کرکے بھمبر پولیس نے چوروں اور ڈاکوؤں کی سپورٹ کرنے کا ثبوت دیدیا ہے حکومت فی الفور بھمبرپولیس کے کرپٹ آفیسران کو بھمبر سے تبدیل کرے ان خیالات کا اظہار سابق ممبر ضلع کونسل چوہدری مرید حسین نے کشمیر پریس کلب کے باہر پولیس کیخلاف ہونے والے احتجاجی مظاہرے سے خطاب کرتے ہوئے کیا۔ انہوںنے کہاکہ 2 ماہ قبل ہونے والی ڈکیتیوں کی بھمبرپولیس نے FIR درج نہیں کی جس پر ڈسٹرکٹ جج بھمبرنے عوام علاقہ کی درخواستوں پر ایکشن لیتے ہوئے فوری طور پر پولیس کو پرچہ درج کرنے کا حکم دیا لیکن پولیس نے ڈسٹرکٹ جج کے احکامات کو نظر انداز کرتے ہوئے نہ ہی کوئی کارروائی عمل میںلائی اور نہ ہی پرچہ درج کیا انہوں نے کہاکہ ہم عزت دار اور شرافت میں رہنے والے لوگ ہیں۔ لیکن بے غیرت نہیں اور نہ ہی کسی قسم کی زیادتی برداشت کرینگے انہوں نے کہاکہ بھمبر پولیس لوگوں کا تحفظ کرنے کی بجائے انہیں خود ہی لوٹنے میں مصروف ہے ہم انتطامیہ اور پولیس کو یہ باور کروا دینا چاہتے ہیں کہ آج ہم نے پرامن احتجاج کا راستہ اپنایا ہے تو کل ہمارا پرامن احتجاج پرتشدد میں تبدیل ہو سکتا ہے اور اس دوران کسی بھی قسم کا کوئی نا خوشگوار واقعہ رونما ہوا تو ذمہ داری انتظامیہ اور پولیس پر ہو گی۔ حکومت وقت بھمبر میں ہونیوالی پولیس گردی کا نوٹس لے اور بھمبرمیں تعینات راشی پولیس آفیسران سے ہماری جان چھڑوائے دریں اثناء احتجاجی جلوس معززین علاقہ سوکاسن کی سربراہی میں سوکاسن سے بھمبر شہر پہنچا جہاں وہ شہر کے مختلف راستوں سے ہوتا ہوا کشمیر پریس کلب کے باہر جمع ہو گیا اس دوران مظاہرین نے انتظامیہ اور پولیس کیخلاف شدید نعرے بازی کی اور بعدازاں احتجاجی جلوس ضلع کچہری میں ڈپٹی کمشنر آفس کے سامنے پہنچ گیا اور پولیس گردی کیخلاف شدید نعرے بازی کرتے ہوئے پرچہ درج کرنے کا مطالبہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عالمی تنظیم دعوت تبلیغ کے زیر اہتمام بھمبر میں 1 روزہ تبلیغی اجتماع آج ہو گا
بھمبر(ڈسٹرکٹ رپورٹر) عالمی تنظیم دعوت تبلیغ کے زیر اہتمام بھمبر میں 1 روزہ تبلیغی اجتماع آج ہو گا اجتماع میں مرکز دعوت وتبلیغ رائیونڈ کے علمائے کرام خصوصی بیان فرمائیںگے اجتماع کے انتظامات کو حتمی شکل دے دی گئی ہزاروں افراد شرکت کرینگے تفصیلات کیمطابق عالمی تنظیم دعوت تبلیغ کے زیر اہتمام بھمبر میں آج دینی اجتماع ہو گا جس میں ضلع بھمبر کے ہزاروں افراد شرکت کرینگے اجتماع کا باقاعدہ آغاز نماز ظہر سے شروع ہو گا جو اگلے روز صبح 9بجے تک جاری رہے گا دن دس بجے اجتماعی دعا ہو گی اجتماع میں مرکز دعوت تبلیغ رائیونڈ سے علمائے کرام خصوصی شرکت اور بیان کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کشمیر پریس کلب بھمبر کاایک تعزیتی اجلاس زیر صدارت راجہ نعیم گل منعقد ہوا اجلاس میں اکاؤنٹس آفس بھمبر کے سینئر آڈیٹر راجہ شبیر آف غازی گڑھا کی زوجہ محترمہ کی وفات پر گہرے دکھ اور رنج کا اظہار
بھمبر(ڈسٹرکٹ رپورٹر) کشمیر پریس کلب بھمبر کا ایک تعزیتی اجلاس زیر صدارت راجہ نعیم گل منعقد ہوا اجلاس میں اکاؤنٹس آفس بھمبر کے سینئر آڈیٹر راجہ شبیر آف غازی گڑھا کی زوجہ محترمہ کی وفات پر گہرے دکھ اور رنج کا اظہار کیا گیا اور مرحومہ کے درجات کی بلندی کیلئے دعائے مغفرت اور لواحقین سے اظہار ہمدردی کیا گیا اجلاس میں طارق محمود ثاقب ،ملک شوکت حسین، عزیزالرحمن ناز، ڈاکٹر طارق شاکر، مرزا ندیم اختر، جہانگیر پاشا، عاطف اکرم ، سلیم ساگر، فیصل صغیر شمیم، چوہدری خالد حسین ایڈووکیٹ، قاضی انصرزمان، یاسین تبسم، شیراز پرویز مشتاق، عابد زبیر، ارشد محمود غازی، مرتضیٰ گیلانی، مرزا عمر فاروق، چوہدری محمد ارشد سمیت دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر کے نواحی گاؤں پوٹھی پیٹھ کے مکین راستہ نہ ہونے کے باعث محصور ہو کر رہ گئے بھمبر کے عوامی نمائندے الیکشن میں کیے گئے وعدے پورے کریں
بھمبر (ڈسٹرکٹ رپورٹر) بھمبر کے نواحی گاؤں پوٹھی پیٹھ کے مکین راستہ نہ ہونے کے باعث محصور ہوکر رہ گئے بھمبر کے عوامی نمائندے الیکشن میں کیے گئے وعدے پورے کریں عوام علاقہ کی صحافیوں سے گفتگو تفصیلات کیمطابق گزشتہ روز پوٹھی پیٹھ کے رہائشی چوہدری محمد سجاد پوٹھی، چوہدری رشید احمد، چوہدری یاسر اقبال، چوہدری عبدالشکور اور چوہدری اکرم نے صحافیوں کو راستہ نہ ہونے کی تفصیلات بتاتے ہوئے کہا کہ 2006 میں نالہ رنڈیام میں پوٹھی کے مقام پر بھمبر میرپور روڈ پر بڑاپل بنایا گیا جس سے ہمارے گاؤں کا راستہ مکمل طور پر بند ہو گیا ہے ہمارے احتجاج کرنے پر محکمہ شاہرات نے پل کی ایک سائیڈ پر مٹی ڈال کر عارضی راستہ تو بنایا لیکن وہ دوبارشوں کے بعد ہی بالکل ہی خوردبرد ہو گیا کافی عرصہ گزر جانے کے بعد اس کی کوئی مرمت نہیں کی گئی ہم نے اپنی مدد آپ کے تحت بارہا کوشش کرکے اس کو مینٹین کیا لیکن ہر بارش کے بعد راستہ گزرنا کے قابل نہیں رہتا جبکہ رہی سہی کثر پل کے نیچے کازوے کے بہہ جانے سے نکل گئی ہے اور اب راستہ بالکل ختم ہو گیا ہے اور اب ہم کسی بھی قسم کی سواری نہیں گزار سکتے انہوںنے کہاکہ الیکشن کے دوران بھمبرکے نام نہاد عوامی نمائندوں نے راستہ بنوانے کا وعدہ کیا جو الیکشن گزرتے ہی ہوامیں اڑ گیا انہوں نے کہاکہ ہمارا عوامی نمائندو ں اور محکمہ شاہرات کے اعلیٰ حکام سے مطالبہ ہے کہ ہمارے راستے کا مناسب بندوبست کیا جائے۔
