بھمبرکی خبریں 10.03.2013
Posted on March 10, 2013 By Noman Webmaster سٹی نیوز, میرپور / کشمیر
حکومت آزادکشمیر نے کے ایچ خورشید کی 25 ویں برسی کے موقع پر عام تعطیل کا اعلان کر دیا
بھمبر (ڈسٹرکٹ رپورٹر)حکومت آزادکشمیر نے کے ایچ خورشید کی 25ویں برسی کے موقع پر عام تعطیل کا اعلان کر دیا آج تمام سرکاری ادارے دفاتر بند رہیں گے تفصیلات کیمطابق سابق صدر ریاست جموں وکشمیر کے ایچ خورشید کی 25ویں برسی کے موقع پر آج مورخہ 11مارچ بروز سوموار کو صدرآزادکشمیر محمد یعقوب خان نے آزادکشمیر بھر میں سرکاری سطح پر عام تعطیل کا حکم جاری کردیا ہے یوں آج آزادکشمیر کے اندر سرکاری ادارے اور دفاتر بند رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
واٹر سپلائی کی مین لائن پٹرول پمپ کے قریب گزشتہ دو ماہ سے لیک محکمہ پبلک ہیلتھ نے آنکھیں موند لیں پانی مسلسل ضائع ہونے لگا
بھمبر(ڈسٹرکٹ رپورٹر)واٹر سپلائی کی مین لائن پٹرول پمپ کے قریب گزشتہ دو ماہ سے لیک محکمہ پبلک ہیلتھ نے آنکھیں موند لیں پانی مسلسل ضائع ہونے لگا تفصیلات کیمطابق گزشتہ دوماہ سے واٹر سپلائی کی مین لائن جو ٹیوب ویل سے شہر واٹر ٹنکی میںآتی ہے پٹرول پمپ کے قریب سے بڑا سوراخ ہونے کی وجہ سے مسلسل لیک ہو رہی ہے جس سے ہر روز سینکڑوں گیلن پانی ضائع ہو رہا ہے محکمہ پبلک ہیلتھ کی بار بار توجہ دلانے کے باوجود محکمہ پبلک ہیلتھ کی نے آنکھیں بند کر رکھی ہیں شہریوں نے محکمہ پبلک ہیلتھ کی ناقص کاکردگی اور غیر ذمہ دارانہ رویے پر شدید احتجاج کرتے ہوئے اعلیٰ حکام سے مطالبہ کیا ہے کہ وہ محکمہ پبلک ہیلتھ کے ذمہ داران کے غیر ذمہ داران رویے کا نوٹس لیں اور انکے خلاف کارروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم کانفرنس کی مضبوطی ریاستی تشخص اور تحریک آزادی کشمیر کی ضامن ہے
بھمبر(ڈسٹرکٹ رپورٹر)مسلم کانفرنس کی مضبوطی ریاستی تشخص اور تحریک آزادی کشمیر کی ضامن ہے غیر ریاستی جماعتوں نے تحریک آزادی کشمیر اور ریاستی تشخص کو ناقابل تلافی نقصان پہنچایا ہے ان خیالات کااظہار آل جموں وکشمیر مسلم کانفرنس ضلع بھمبر کے صدر چوہدری غلا م مصطفی آف کسگمہ نے کیا انہوں نے کہاکہ مسلم کانفرنس ریاست جموںوکشمیر کے عوام کی نمائندہ جماعت ہے جسکی تحریک آذادی کشمیر ریاستی عوام کی فلاح وبہبود اور ریاستی تشخص اور وقار کیلئے گراں قدر خدمات ہیں آزادکشمیر کے اندر تعمیروترقی کا تمام تر کریڈٹ مسلم کانفرنس کی حکومتوں کو جاتا ہے تحریک آزادی کشمیر کی کامیابی کیلئے او راس کیخلاف ہونے والی سازشوں کو بے نقاب کرنے میں مسلم کانفرنس کا بڑا جاندار رول ہے آزادکشمیر کے اندرب غیر ریاستی جماعتوں نے آکر تحریک آذادی کشمیر ،ریاستی تشخص اور قومی وقار کو ناقابل تلافی نقصان پہنچایا ہے آج ریاست کے لوگوں کی ریاست کے اندر توہین کی جارہی ہے آزادکشمیر کے عوام پیپلزپارٹی کی ڈیڑھ سالہ حکومت سے مایوس ہو کر اس سے چھٹکارہ حاصل کرنے کیلئے دعائیں مانگ رہے ہیں انہوں نے کہاکہ گزشتہ الیکشن میں مسلم کانفرنس کو اقتدار سے باہر رکھنے کیلئے سازش کی گئی مسلم کانفرنس کو تقسیم کیا گیا اور پھر الیکشن کے اندر دھاندلی کی گئی انہوں نے کہاکہ آزادکشمیر کے اندر جب بھی آزادانہ اور منصفانہ الیکشن ہونگے تو مسلم کانفرنس ہی کامیابی حاصل کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیلدار اقبال انقلابی اور سینئر صحافی عزیزالرحمان ناز نے ڈپٹی کمشنر نیلم راجہ ثاقب منیر کی وفات کو ایک عظیم سانحہ قرار دیا ہے
بھمبر(ڈسٹرکٹ رپورٹر)تحصیلدار اقبال انقلابی اور سینئر صحافی عزیزالرحمان ناز نے ڈپٹی کمشنر نیلم راجہ ثاقب منیر کی وفات کو ایک عظیم سانحہ قرار دیا ہے اور کہاکہ ہے ثاقب منیر کی وفات سے انتظامیہ ایک ذہین ،دیانتدار آفیسر سے محروم ہو گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جموں کشمیر لبریشن لیگ بھمبر 11 مارچ بروز پیر کو بانی لبریشن لیگ اور آزاد کشمیر کے پہلے منتخب صدر کے ایچ خورشید کو خراج عقیدت پیش کرے گی
بھمبر (ڈسٹرکٹ رپورٹر)جموں کشمیر لبریشن لیگ بھمبر 11 مارچ بروز پیر کو بانی لبریشن لیگ اور آزاد کشمیر کے پہلے منتخب صدر کے ایچ خورشید کو خراج عقیدت پیش کرے گی ضلع بھمبر کی مرکزی کمیٹی کے ارکان کی طرف سے منعقد کی گئی تقریب میں کے ایچ خورشید مرحوم کی روح کے ایصال ثواب کے لیے دعاہو گی اور مرحوم صدرکے دیرینہ ساتھی اور مرکزی عاملہ بھمبر کے کارکنان مرحوم صدر کی زندگی کی حوالے سے تحریک کشمیر کے لیے کی گئی کوششوں پر سیر حاصل گفتگو بھی کریں گے مرکزی تقریب مظفرآباد میں مزارخورشید پر منعقد ہوگی جس میں وزیر اعظم آزاد کشمیر اور وزراء اور حریت کانفرنس کے مرکزی قائد ین شرکت کریں گے۔
