اسرائیل (جیوڈیسک) اسرائیلی وزیر اعظم بن یامین نتن یاہو کا کہنا ہیکہ ایران جلد ایسے جوہری ہتھیار بنانے کی صلاحیت حاصل کرلے گا جس سے وہ امریکہ پر بھی حملہ کرسکے گا۔ اس سلسلے میں امریکہ کو سخت اقدامات کرنا ہوں گے۔
اسرائیلی وزیراعظم بن یامین نتن یاہو نے امریکہ پر زور دیتے ہوئے کہا کہ تہران میں نئی حکومت آنے کے باوجود اس کا جوہری پروگرام جاری ہے اور اس کا بین البراعظمی بیلسٹک میزائل پروگرام چند سالوں کے اندر امریکہ تک اپنے جوہری ہتھیار لے جانے کی صلاحیت حاصل کرلے گا۔
اسرائیلی وزیر اعظم کا کہنا تھا کہ ایران کے پاس پہلے ہی ایسے میزائل موجود ہیں۔ جن سے وہ اسرائیل پر حملہ کرسکتا ہے۔ نتن یاہو نے امریکہ پر زور دیا کہ ایران کو یورینیم کی افزدگی روکنے اور جوہری پروگرام کو محدود کرنے میں اپنا کردار ادا کرے۔
اترکھنڈ حکومت: سیلاب میں لاپتہ 5000 افراد کو مردہ قرار دینے پرغور
سائیبریا: ہیلی کاپٹر کی کریش لینڈنگ،7 افراد زخمی
