ایرانی وزیر خارجہ علی اکبر صالحی نے کہا ہے کہ ایران نے ہمیشہ بوسنیا ہرزیگووینا کے مفاد کا خیال رکھا ہے اور مستقبل میں بھی ایران معیشت اور تجارت کے شعبوں میں بہتری لانے کے لیے اپنا تعاون جاری رکھے گا۔
سبکدوش ہونے والے بوسنیا کے سفیر کی الوداعی ملاقات کے دوران ان کا کہنا تھا کہ دوطرفہ تعلقات کو مستحکم کرنے کے لئے دونوں ممالک کے درمیان معیشت اور تجارت کے شعبوں میں تعلقات بہتر بنانے کی ضرورت ہے جبکہ بوسنیائی سفیر نے ایران میں دوران سفارت بوسنیائی سفیر کے ساتھ اچھے تعاون کے لئے ایران کی وزارت خارجہ کی تعریف کی۔