عراقی حکام نے کہا ہے کہ دارالحکومت بغداد کے شیعہ آبادی والے علاقوں میں جمعرات کو متعدد بم دھماکوں میں کم از کم 22 افراد ہلاک اور 65 سے زائد زخمی ہو گئے ہیں۔پہلا دھماکا شہر کے شمالی علاقے صدر سٹی میں ہوا جہاں ایک موٹر سائیکل میں بارودی مواد نصب کر کے اس کو کام کی تلاش میں کھڑے مزدوروں کے مجمے کے قریب چھوڑ دیا گیا تھا۔اس واقعہ کے کچھ ہی دیر بعد سڑک کنارے نصب کردہ بم کا دھماکا بھی ہوا، اور دونوں دھماکوں میں مجموعی طور پر 10 افراد مارے گئے۔بعد ازاں بغداد ہی کے علاقے کاظمیہ میں ہونے والے دو کار بم دھماکوں میں 12 افراد ہلاک ہو گئے۔عراقی دارالحکومت میں دو ہفتے قبل بھی سلسلہ وار بم دھماکوں میں کم از کم 69 افراد ہلاک ہو گئے تھے۔ یہ واقعات ایک ایسے وقت ہوئے ہیں جب ملک میں سیاسی تنا پایا جا رہا ہے اور امریکی افواج کا انخلا بھی مکمل ہو چکا ہے۔
میکسیکو: جیل میں تصادم ،اکتیس قیدی ہلاک، تیرہ زخمی
عراق : بم دھماکوں کی نئی لہر، 72 افراد ہلاک
