اقوام متحدہ کی سلامتی کونسل نے شام سے کیمیائی ہتھیاروں کے مبینہ استعمال کی وضاحت طلب کر لی ہے۔ سلامتی کونسل کے شام کے حوالے سے ہنگامی اجلاس کے بعد ذرائع سے بات چیت کرتے ہوئے ارجنٹینا کی سفیر ماریا کرسٹینا نے کہا کونسل کے ارکان کو کیمیائی ہتھیاروں کے استعمال پر تشویش ہے۔
حقائق جاننے کی ضرورت ہے۔ شامی حزبِ اختلاف نے الزام عائد کیا تھا کہ صدر بشار الاسد کی فوج نے دمشق کے مضافات میں کیمیائی ہتھیاروں سے حملہ کیا جس میں ایک ہزار سے زائد لوگ ہلاک ہوئے۔ یہ الزام ایسے وقت میں لگایا گیا ہے جب اقوامِ متحدہ کے معائنہ کار کیمیائی ہتھیاروں کے استعمال کے الزامات کی تحقیقات کے لئے پہلے ہی دمشق میں موجود ہیں۔