کاہنہ کی خبریں 13.03.2013
Posted on March 13, 2013 By Geo Urdu سٹی نیوز
کاہنہ نو : ہوٹلوںپرغیرمعیاری ناقص کھانا تیارہونے لگا،شہری مختلف موذی امراض میں مبتلا،انتظامیہ منتھلی لے کر خاموش
کاہنہ : محکمہ ہیلتھ اورمحکمہ فوڈ کے ملازمین اپناحصہ لے کر مسلسل خاموش ہیںکیونکہ ان کو منتھلی کے ساتھ ساتھ کھانابھی فری میںکھلایاجاتاہے۔تفصیلات کے مطابق کاہنہ نوکے ہوٹلوںپرغیرمعیاری ناقص اوربیماریوںسے بھرپورکھاناکھلایاجاتاہے۔”کاہنہ میڈیا کلب رجسٹرڈ ”نے اپنے سروے کے مطابق کاہنہ نوکے سارے ہوٹلوںکاوزٹ کیاتوپہتہ چلاکہ کاہنہ نوکے تمام ہوٹل مسلسل عوام کو ناقص اورغیرمعیاری کھاناکھلارہے ہیں۔جوکھاناکھاکر شہری مسلسل مختلف بیماریوںکاشکارہورہے ہیں۔مثلاََگیسٹرو،ہیپاٹائس اوردوسری مختلف قسم کی بیماریاںپھیل رہی ہیںاورانتظامیہ نے مسلسل چپ سادھ لی ہے۔کاہنہ نوکی شہری ،فلاحی ،صحافتی ،وکلاء تنظیموںنے انتظامیہ سے التجاء کی ہے کہ کاہنہ نوکے ہوٹلوںکے کھانے کوچیک کیاجائے اورمحکمہ ہیلتھ ،محکمہ فوڈ اورضلعی انتظامیہ سے پرزوراپیل کی ہے کہ کاہنہ نوکے تمام ہوٹلوںسے سیمپل لے کر کھانے کامعیارچیک کیاجائے اورکیمیکل ملے کھانے سے کاہنہ کی عوام کونجات دلائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موسم کی تبدیلی امراض میں اضافہ ، نزلہ زکام عام ، ٹھنڈے مشروبات کااستعمال نقصان کاباعث ہے ڈاکٹرمحمدآصف ناز
کاہنہ : کاہنہ نو میں موسم کی تبدیلی کے ساتھ ہی گلے کے امراض میں اضافہ ، نزلہ زکام کی شکایت عام ، دھوپ میں زیادہ دیررہنے کے بعدٹھنڈے مشروبات کااستعمال نقصان کاباعث ہے،ان خیالات کا اظہار ڈاکٹرمحمدآصف ناز نے ”کاہنہ میڈیا کلب رجسٹرڈ” میں گفتگوکے دوران کیا، انہوں نے کہاکہ درجہ حرارت میں بتدریج اضافہ ہونے سے دن کے اوقات میں گرمی بڑھ گئی ہے اورمذکورہ امراض میں اضافے کی وجہ شہریوں کی بے احتیاطی ہے کیونکہ دھوپ میں زیادہ دیرتک رہنے کے بعدفوراً برف والا پانی یاٹھنڈے مشروب استعمال کرتے ہیں جس کے سبب وہ نزلہ زکام اورگلے کے امراض میں مبتلا ہورہے ہیں انہوں نے کہاکہ جب بھی گھرسے باہرجائیں تو فوری طورپرٹھنڈاپانی پینے کی بجائے دس پندرہ منٹ انتظار کے بعد سادہ پانی یاکم ٹھنڈامشروب استعمال کریں جبکہ پانی کے استعمال کوبھی بڑھائیں اوردن میں تقریبا 15 سے 16 گلاس پانی لازمی استعمال کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹریفک پولیس کا ناکے لگاکردیہاتیوں کوتنگ کرنامعمول بن گیا ،روہی نالہ فیروز پورروڈ پر ناکہ لگاکرعوام کولوٹنے میں مشغول
کاہنہ( ) ٹریفک پولیس کا مخصوص ناکے لگاکردیہاتیوں کوتنگ کرنامعمول بن گیا، روہی نالہ فیروز پورروڈ پر ناکہ لگاکرعوام کولوٹنے میں مشغول ،تفصیل کے مطابق ٹریفک پولیس نے دیہاتی علاقوں سے شہرمیں داخل ہونے والے راستوں پرمخصوص ناکہ لگارکھے ہیں جہاں وہ روزانہ ہزاروں روپے دیہاتیوں سے بٹورلیتے ہیں کاہنہ نوکے رہائشیوں اسراراحمد،ڈاکٹرمحمدعمران،جباراحمدنے بتایا کہ شہرکے داخلی راستوں پرجہاں سے مضافات سے دیہاتیوں کی اکثریت داخل ہوتی ہے پر ٹریفک پولیس نے مخصوص ناکہ لگارکھے ہیں اوروہ ہراس موٹرسائیکل سوار جس نے دھوتی چادر پٹکا ‘لوئی (چادر) پہن رکھی ہوتی ہے اس کو روک کر یاتواسکا چالان کردیاجاتاہے یاپھر نذرانہ لیکر اپنی جیب گرم کرتے ہیں انہوں نے ڈی ایس پی ٹریفک لاہورسے مطالبہ کیا ہے کہ لاہورفیروزپورروڈروہی نالہ جیسے مخصوص ناکوں پر ایمانداردیانتدار ٹریفک پولیس اہلکاروں کوتعینات کیاجائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صرافہ ایسوسی ایشن کے جیتنے سے دکانداروں کے اجتماعی مسائل کا حل ممکن ہوسکے گا۔محمدانورشہزاد جیولر
کاہنہ : معروف تاجر رہنماء حاجی محمدانورشہزادجیولرنے صرافہ ایسوسی ایشن چونگی امرسدھوکے الیکشن میں بھاری اکثریت سے کامیابی حاصل کرنے والے گروپ کو
مبارکباد پیش کرتے ہوئے کہا ہے کہ صرافہ ایسوسی ایشن کے جیتنے سے دکانداروں کے اجتماعی مسائل کا حل ممکن ہوسکے گا۔انہوں نے کہا کہ چونگی امرسدھوبازارمیں بے شمار مسائل ہیں جن کے حل کے لئے ضروری تھا کہ تاجربرادری کے مسائل کو سمجھنے والے گروپ کی ہی جیت ہو جس پر تمام تاجربھائیوں نے صدرصرافہ ایسوسی ایشن چونگی امرسدھوچاچا نزیراحمد،جنرل سیکرٹری محمدجاوید،فنانس سیکرٹری محمدحفیظ کو کامیاب کر کے تاجر بھائیوں کا ساتھ دیا ہے۔جس پر ہم تمام تاجر بھائیوں کے شکرگزار ہیں۔
